KWA bied pasgemaakte en persoonlike arbeidsverhoudingsdienste om ons kliënte in staat te stel om op hulle kernbesigheid te fokus terwyl ons span prokureurs na arbeids- en indiensnemingsake omsien.

Ons adviseer kliënte en gee menings oor ’n wye reeks nie-litigiewe aangeleenthede in die indiensnemingsreg en kommersiële aangeleenthede met implikasies vir indiensnemingsreg. Ons bied ook ad hoc of op retensie dienste in die bestuur van arbeidsverhoudinge en menslikehulpbronbestuurder, wat insluit:

Arbeidsverhoudinge:

Ons help ons kliënte met die bestuur van:

• Afdankings en dissiplinêre prosesse;
• Afleggings, afdankings en besigheidsoordrag;
• Beroepsgesondheid en -veiligheid
• Loononderhandeling en strukturering van vergoedingspakkette;
• Stakings, sloerstakings, tuisblystakings en plakkaatbetogings;

Menslikehulpbronbestuur

• Opstel en implementering van dienskontrakte.
• Formulering van maatskappybeleide en -prosedures.
• Werkplekontledings, posprofiele en posgradering;
• Werwing, keuring en interne personeelaanstelling.
• Evaluering, prestasie, ontwikkeling en loopbaanbestuur.
• Menslikehulpbronadministrasie, implementering van prosedures en beleide.

Verteenwoordiging:

• Litigasie in die konstitusionele hof;
• Litigasie in die arbeidshof en arbeidsappèlhof;
• Litigasie by die KVBA en Bedingingsraad;

Voldoening:

• Verseker voldoening aan statutêre vereistes vir arbeidsverhoudinge.
• Verskaffing van dienskontrakte, indiensnemingsbeleide en dissiplinêre kodes
• Voldoening aan BBB – EE en diensbillikheid;
• Werkplekvaardigheidsplanne;

Opleiding:

Om kliënte deur die verwikkeldheid van indiensnemingsreg te help lei, bied ons seminare aan en hou pasgemaakte opleidingsessies en werkwinkels oor ’n reeks indiensnemingskwessies.